पुणेकरांनो, ATMमध्येही सावधान! हसत बोलला, मदतही केली पण जाता जाता तरुण मोठा गेम करून गेला, समजताच मोठा धक्का

पुणे : एटीएममध्ये पैसे काढण्यासाठी गेल्यावर अनोळखी व्यक्तीकडून मदत घेणे एका ज्येष्ठ नागरिकाला भलतेच महागात पडले आहे. शिक्रापूर येथे पैसे काढून देण्याच्या बहाण्याने एका भामट्याने ५० वर्षीय व्यक्तीची मोठी फसवणूक केली. त्याने या ज्येष्ठाच्या एटीएम कार्डाची अदलाबदल करून त्यांच्या खात्यातून तब्बल ६० हजार रुपये लंपास केले आहेत. या धक्कादायक घटनेमुळे परिसरात खळबळ उडाली असून डिजिटल व्यवहारात किती सतर्क राहावे, याचा पुन्हा एकदा प्रत्यय आला आहे.