पुण्यात खळबळ! महिला पोलीस डॉक्टरकडे गेली, रुग्णालयातील त्या गोळ्या अन् साहित्य पाहून धक्का, मग क्लिनिकचा केला 'गेम'

वाघोली पोलीस घटकातील महिला पोलीस हवालदार प्रतीक्षा पानसरे यांनी या मोहिमेत 'हिरो'ची भूमिका बजावली. त्यांनी स्वतः बनावट रुग्ण बनून क्लिनिकमध्ये प्रवेश केला. त्यांच्या माध्यमातून मिळालेल्या खात्रीशीर माहितीनंतर बुधवारी (दि. ४) प्रशासनाने अचानक छापा टाकला आणि संपूर्ण रॅकेट उघड्यावर आलं.

या तपासातील सर्वात धक्कादायक बाब म्हणजे, केसनंद येथील नरेंद्र ठाकरे नावाच्या दलालाच्या मदतीने मोबाईल अॅपद्वारे गर्भस्थ अर्भकाचे लिंग निदान केले जात होते. बीएएमएस डॉक्टर आकाश सुभाष मलगुंडे यांच्या अधिपत्याखाली हे क्लिनिक चालत होते. आरोग्य नियमांना हरताळ फासून इथे केवळ लिंग निदानच नाही, तर गर्भपाताच्या गोळ्यांचा अनधिकृत साठाही सापडला आहे.

औषध प्रशासनाच्या कक्षेबाहेरील गर्भपाताच्या गोळ्यांचा साठा, अवैध वैद्यकीय उपकरणे आणि तांत्रिक साहित्य जप्त करण्यात आलं आहे. संपूर्ण दवाखाना सील करून कागदपत्रे ताब्यात घेण्यात आली आहेत.