Tamhini Ghat : ठिकाण: ताम्हिणी घाट, वेळ: मध्यरात्र! घाटात तरुणासोबत घडलं भयंकर; घटनेनं अख्खा जिल्हा हादरला

मृतदेहाची पाहणी केली असता, त्यावर धारदार शस्त्राने वार केल्याच्या अनेक खुणा आढळल्या आहेत. आरोपींनी तरुणाची हत्या दुसऱ्या ठिकाणी करून, मृतदेहाची विल्हेवाट लावण्यासाठी आणि पुरावा नष्ट करण्यासाठी ताम्हिणी घाटाचा आसरा घेतला असावा, असा पोलिसांचा प्राथमिक अंदाज आहे. मृतकाची अद्याप ओळख पटलेली नाही.

घटनेचे गांभीर्य ओळखून पोलिसांनी फॉरेन्सिक लॅबच्या पथकाला पाचारण केले आहे. घटनास्थळावरून वैज्ञानिक पुरावे गोळा करण्याचे काम सुरू असून, मृताची ओळख पटवण्यासाठी पुणे आणि रायगड जिल्ह्यातील बेपत्ता व्यक्तींच्या तक्रारींची पडताळणी केली जात आहे. या घटनेमुळे ताम्हिणी घाट परिसरात पर्यटकांमध्ये आणि ग्रामस्थांमध्ये भीतीचे वातावरण पसरले आहे. पोलीस सध्या या प्रकरणाचा अधिक तपास करत आहेत.