भीमाशंकरला जाणाऱ्या भाविकांसाठी महत्त्वाची बातमी, 31 मे पर्यंत मंदिर राहणार बंद, कारण काय?

भाविकांची कोणत्याही प्रकारची गैरसोय होऊ नये म्हणून प्रशासनाकडून युद्धपातळीवर प्रयत्न केले जात आहेत. भीमाशंकर याठिकाणी जुन्या सभामंडपाचे क्षेत्र पुरेसे नसल्याने नवीन भव्य सभामंडपाचे काम हाती घेण्यात आले आहे. तसेच पायरीमार्गाचे कामही केले जात आहे. सध्या मुख्य सभामंडपाचे 75% बांधकाम पूर्ण झाले असून, घुमटाचे कामही चालू आहे. मंदिर परिसरात मोठे दगड, बांधकाम साहित्य आणि यंत्रसामुग्री असल्यामुळे, चालू बांधकामाच्या पार्श्वभूमीवर दर्शनासाठी मंदिर खुले ठेवणे सुरक्षित नाही. याशिवाय, प्रवेशमार्गावरील पायरीमार्गाचे काम सुरू असल्यामुळे सध्या मंदिराकडे जाणारा मार्ग पूर्णपणे बंद ठेवण्यात आला आहे.