डोक्याला बॉल लागून खेळाडू मैदानात कोसळला, बेशुद्ध अवस्थेत हॉस्पिटलला नेलं, पाकिस्तान सुपर लीगमध्ये मोठा अपघात!

मुंबई : पाकिस्तान सुपर लीग (पीएसएल) मध्ये मोठा अपघात झाला आहे. डोक्याला बॉल लागल्यामुळे इस्लामाबाद युनायटेडचा खेळाडू मैदानातच बेशुद्ध झाला आहे, यानंतर त्याला रुग्णालयात दाखल करण्यात आलं आहे. इस्लामाबाद युनायटेडचं नेट सेशन सुरू असताना मीर हमजा सज्जाद याच्या डोक्याला बॉल लागला आणि तो बेशुद्ध पडला. यानंतर त्याला रुग्णालयात दाखल करण्यात आलं आणि उपचार करण्यात आले. सध्या सज्जाद शुद्धीत आला असून त्याची प्रकृती स्थिर असल्याचं सांगण्यात येत आहे.