Astro Tips In Marathi: जीवनात सुख-समृद्धी हवी असेल तर करा हा सोपा उपाय

तांब्याच्या भांड्यातलं पाणी पिणं आरोग्यासाठी लाभदायक मानलं जातं. ज्योतिषशास्त्रातदेखील तांब्याचं भांडं पवित्र मानलं जातं. त्यामुळे या शास्त्रात तांब्याच्या भांड्याचा वापर करून करता येतील असे अनेक उपाय सांगितले आहेत. ज्योतिषशास्त्रानुसार, रात्री झोपण्यापूर्वी तांब्याच्या भांड्यात पाणी भरावं. त्यानंतर पाण्याने भरलेलं भांडं डोक्याजवळ ठेवून झोपावं. दुसऱ्या दिवशी सकाळी उठल्यावर हे पाणी एखाद्या झाडाला घालावं. हा उपाय सलग 43 दिवस केला तर संबंधित व्यक्तीचं आरोग्य सुधारू शकतं. तसंच त्याच्या जीवनात प्रगती होते.

रात्री झोपताना डोक्याजवळ तांब्याचं भांडं पाण्याने भरून ठेवलं तर नकारात्मक ऊर्जा दूर होते. संबंधित व्यक्तीच्या जीवनातलं दुःख दूर होऊन जीवनात समाधान मिळायला लागतं. तसंच जर एखादी व्यक्ती सतत वाईट स्वप्नं पडत असल्याने त्रस्त असेल तर त्याची ही समस्या या उपायाने दूर होते. जर एखाद्या व्यक्तीच्या कुंडलीत चंद्रदोष असेल तर या उपायाने या दोषातून मुक्ती मिळते.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)