शुक्राची महादशा सुरू असेल तर 'हे' उपाय करा; जीवनात येईल सुख-समृद्धी

ज्योतिषशास्त्रानुसार नवग्रहांचं गोचर ज्याप्रमाणे महत्त्वपूर्ण मानलं गेलं आहे, त्याचप्रमाणे प्रत्येक ग्रहाची महादशा आणि अंतर्दशा महत्त्वाची मानली जाते. कारण भविष्यकथनावेळी ग्रहांच्या एकूण स्थितीचा विचार करताना संबंधित व्यक्तीला कोणत्या ग्रहाची महादशा सुरू आहे, हेदेखील विचारात घेतलं जातं. कारण शुभ ग्रहाची महादशा शुभफलदायी असते तर अशुभ ग्रहांची महादशा त्रासदायक मानली जाते. ज्योतिषशास्त्रात शुक्र हा ग्रह सुख-समृद्धी, प्रेम, विवाह, प्रॉपर्टी आणि भौतिक सुखाचा कारक मानला जातो. त्यामुळे जीवनातल्या घडामोडी आणि सुखाचा विचार करता शुक्राची महादशा महत्त्वपूर्ण मानली जाते. शुक्राच्या महादशेचा कालावधी 20 वर्षांचा असतो. या कालावधीत जीवनात काय फळ मिळू शकतं, याबाबत सविस्तर जाणून घेऊ या.