या शिव मंदिरासमोर इंग्रजांनाही व्हावे लागले होते नतमस्तक, अद्भुत आहे यामागची कहाणी

मंदिराचे महंत सौरव शर्मा सांगतात की, रावली महादेवाच्या मंदिराचा इतिहास अकबराच्या शासन काळाशी संबंधित आहे. रावळी महादेव मंदिर, एमजी रोड मंदिराचा इतिहास मुघल बादशाह अकबराच्या शासनकाळात आमेरचे राजा मानसिंह युद्धासाठी अफगाणिस्तान गेले होते. त्यांना अटक पर्वतावर एक शिवलिंग मिळाले. ते शिवलिंग घेऊन जात होते, आज जिथे रावळी मंदिर आहे, तिथे त्यांनी ते शिवलिंग ठेवले. यानतंर शिवलिंग दुसरीकडे नाही घेऊन जाऊ शकले. मंदिराच्या आजूबाजूला रावळ राजपूत राहायचे, यामुळे याचे नाव रावळी महादेव मंदिर पडले.

कालांतराने रावळी महादेव मंदिराशी संबंधित अनेक कथा प्रसिद्ध आहे. मात्र, यामध्ये सर्वात प्रसिद्ध कथा ही इंग्रजांशी संबंधित आहे. ब्रिटिश शासनकाळात आग्र्यामध्ये रेल्वे लाईन बनवण्यात आली, मात्र, मध्ये मंदिर होते. यामुळे येथील शिवलिंगाला या जागेवरुन दुसरीकडे काही अंतरावर विस्थापित करण्याचा प्रयत्न करण्यात आला मात्र, यामध्ये इंजीनिअर सफल झाले नाहीत. यामुळे रेल्वे लाईनला मंदिराच्या समोर फिरवून बनवण्यात आले. इथे आजही रेल्वे ट्रॅकचा आकार एस (S) आकृतीमध्ये बनलेला दिसते.

अशी मान्यता आहे की, मंदिरात येणाऱ्या प्रत्येक भाविकाची मनोकापना पूर्ण होते. यासाठी 11, 21, 41 दिवस भाविक नियमित जलाभिषेक करण्यासाठी येतात. प्रत्येक सोमवारी याठिकाणी यात्रा भरते आणि मोठ्या संख्येने भाविक याठिकाणी भगवान महादेवाच्या दर्शनासाठी येतात.

रावळी शिव मंदिर जिल्हाधिकारी कार्यालयाच्या जवळ आहे. या मंदिरात श्रावण सोमवारसोबतच शिवरात्रीला विशेष पूजा-अर्चनेसाठी भाविक पोहोचतात. तुम्हालाही येथे यायचे असेल, तर एमजी रोडवरुन तुम्ही याठिकाणी पोहोचू शकतात. मंदिराच्या बाजूला मुख्य दरवाज्यावर पार्किंगची व्यवस्था आहे.