Mahashivaratri 2024: महादेवाच्या पूजेत भांग का अर्पण करतात? अशी आहे आख्यायिका

मुंबई : महादेवाला भांग प्रिय असल्यानं अनेक ठिकाणी महाशिवरात्रीचा प्रसाद म्हणून भांग खाल्ला जातो, महादेवाला अर्पण केला जातो. महादेवाला भांग प्रिय असण्याबाबत काही पौराणिक कथा सांगितल्या जातात. एका कथेनुसार, एकदा कुटुंबातील तणावामुळे शंकराने घर त्यागले. खूप दूर जात असताना त्यांना तहान लागली, जवळच एक हिरवीगार वनस्पती पाहून त्यांनी त्याची पाने तोडली आणि खाल्ली, त्यामुळे शंकरामध्ये त्वरित ताजेपणा आला. ती भांग वनस्पती होती. तेव्हापासून भांग हा महादेवाचा प्रसाद बनला, असे मानले जाते. आणखी एका कथेनुसार, अमृत मंथन करताना बाहेर पडलेले विष महादेवाने प्राशन केले होते. यामुळे त्यांना खूप त्रास होऊ लागला, हे पाहून, इतर देवतांनी त्यांना भांग खायला दिला. त्यामुळे त्यांना थंडावा मिळाला. तेव्हापासून भांग महादेवाशी संबंधित आहे.