स्वप्नात रडणारे किंवा हसणारे जवळचे व्यक्ती दिसले तर काय होते? 'सिक्रेट' वाचून व्हाल शॉक!

Published by:Manasee Dhamanskar

Last Updated:Jan 04, 2026 7:01 AM IST

आपण झोपेत असताना अनेकदा विविध स्वप्ने पाहतो. काही स्वप्ने सकाळी उठल्यावर विरून जातात, तर काही आपल्या मनात घर करून राहतात. स्वप्न शास्त्रानुसार, प्रत्येक स्वप्नाचे एक विशिष्ट महत्त्व असते आणि ते भविष्यातील घटनांचे संकेत देतात.

Dreams Meaning : आपण झोपेत असताना अनेकदा विविध स्वप्ने पाहतो. काही स्वप्ने सकाळी उठल्यावर विरून जातात, तर काही आपल्या मनात घर करून राहतात. स्वप्न शास्त्रानुसार, प्रत्येक स्वप्नाचे एक विशिष्ट महत्त्व असते आणि ते भविष्यातील घटनांचे संकेत देतात. विशेषतः जेव्हा आपल्याला स्वप्नात आपल्या जवळची माणसे, नातेवाईक किंवा मित्र दिसतात, तेव्हा त्याचे अर्थ जाणून घेण्याची आपल्याला उत्सुकता असते.

जिवंत नातेवाईकांना आनंदी पाहणे: जर तुम्हाला स्वप्नात तुमचे जिवंत नातेवाईक किंवा मित्र आनंदी आणि हसताना दिसले, तर हे अत्यंत शुभ लक्षण मानले जाते. याचा अर्थ असा की, लवकरच तुमच्या आयुष्यात काहीतरी चांगली बातमी येणार आहे किंवा तुमची प्रलंबित कामे पूर्ण होणार आहेत.

आई-वडिलांना स्वप्नात पाहणे: स्वप्नात आई-वडिलांचे दर्शन होणे हे भाग्याचे लक्षण आहे. स्वप्न शास्त्रानुसार, आई-वडील दिसल्यास तुम्हाला तुमच्या कामात यश मिळणार आहे आणि तुमच्यावर दैवी आशीर्वाद असल्याचे हे प्रतीक आहे. जर ते स्वप्नात तुम्हाला काही सांगत असतील, तर त्यांच्या सल्ल्याकडे लक्ष देणे हितकारक ठरेल.

मृत नातेवाईक स्वप्नात येणे: अनेकदा आपल्याला असे नातेवाईक दिसतात जे आता या जगात नाहीत. जर मृत नातेवाईक आनंदी किंवा शांत दिसत असतील, तर याचा अर्थ त्यांचा आत्मा तृप्त आहे आणि ते तुम्हाला आशीर्वाद देत आहेत. परंतु, जर ते स्वप्नात रडताना किंवा दुःखी दिसत असतील, तर त्यांच्या आत्मशांतीसाठी तुम्ही काहीतरी दान-धर्म किंवा श्राद्ध विधी करणे आवश्यक असल्याचे हे संकेत असू शकतात.

नातेवाईकांशी भांडण होताना पाहणे: जर तुम्ही स्वप्नात स्वतःला नातेवाईकांशी वाद घालताना किंवा भांडताना पाहिले, तर हे अशुभ मानले जाते. हे स्वप्न सूचित करते की, येत्या काळात तुमच्या कुटुंबात किंवा व्यावसायिक जीवनात काही कटकटी निर्माण होऊ शकतात. अशा वेळी वाणीवर नियंत्रण ठेवणे गरजेचे असते.

जोडीदाराला स्वप्नात पाहणे: पती किंवा पत्नीला स्वप्नात पाहणे हे वैवाहिक आयुष्यात गोडवा वाढण्याचे लक्षण आहे. जर अविवाहित व्यक्तीला आपला होणारा जोडीदार स्वप्नात दिसला, तर लवकरच लग्नाचे योग जुळून येतील, असे मानले जाते.

नातेवाईकांचा मृत्यू पाहणे: स्वप्नात एखाद्या जिवंत नातेवाईकाचा मृत्यू पाहणे भीतीदायक वाटू शकते, पण स्वप्न शास्त्रानुसार याचे फळ उलटे असते. असे मानले जाते की, ज्या व्यक्तीचा मृत्यू तुम्ही स्वप्नात पाहिला आहे, त्या व्यक्तीचे आयुष्य वाढते.

स्वप्न शास्त्रानुसार, पहाटेच्या वेळी पडलेली स्वप्ने खरी होण्याची शक्यता जास्त असते. मात्र, दिवसभर आपण ज्या गोष्टींचा विचार करतो, त्याच गोष्टी अनेकदा आपल्या स्वप्नात उमटतात. त्यामुळे प्रत्येक स्वप्नामुळे घाबरून न जाता, सकारात्मक दृष्टिकोन ठेवणे महत्त्वाचे आहे.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

Jan 04, 2026 7:01 AM IST

स्वप्नात रडणारे किंवा हसणारे जवळचे व्यक्ती दिसले तर काय होते? 'सिक्रेट' वाचून व्हाल शॉक!