Ramayana : श्रीलंका रावणाची लंका नाही, मग कुठे आहे? इतिहासकारांनी सांगितलं ते ठिकाण

रामायणाबाबत अनेक पौराणिक कथा आहे. पण रामायणाचे अनेक रहस्यही आहेत. अशाच रहस्यांचा उलगडा केला आहे तो इतिहासकारांनी. त्यापैकी एक म्हणजे रावणाची लंका. रावणाची लंका नेमकी कुठे, त्याचं ठिकाण कोणतं याबाबत इतिहास संशोधक निलेश ओक यांनी न्यूज18लोकमतच्या पॉडकास्टवर याची माहिती दिली आहे.

निलेश ओक यांनी सांगितलं की, श्रीलंका रावणाची लंका नाही, मग ती कुठे आहे. याचं वर्णन दिलेलं आहे. वाल्मिकी रामायणातही आहे. वाल्मिकी रामायणात सांगितलं आहे की, भारताच्या दक्षिण कोपऱ्यावर गेल्यानंतर पुढे तुम्हाला 100 योजनं जायला पाहिजे. म्हणजे सुमारे एक हजार किलोमीटर जायला पाहिजे. श्रीलंका तिवढी दूर नाहीच आहे. हे झालं एक.

दुसरं म्हणजे हनुमान त्याला शोधत होता म्हणजे त्याला इकडेतिकडे जावं लागलं हे ठिक आहे. पण हनुमान लंकेतून परत आल्यानंतर तर त्याला लंका नेमकी कुठे हे माहिती आहे की नाही. मग ते किष्किंधाला आल्यानंतर वानर सेना, राम, लक्ष्मण, सुग्रीव सगळे निघतात. जर आताची श्रीलंका रावणाची लंका असती तर ते हम्पी बेलारीपासून हैदराबादकडे जाऊन खाली जातील आणि तामिळनाडू, चेन्नईकडे जातील. पण ते तसे जात नाहीत. ते सय्य माऊंटन, निलगिरी माऊंटन, मलय माऊंटन असं करत केरळच्या बाजूला जातात. ती सध्याची जागा ज्याला आपण मलय किंवा मालदिव म्हणतो जिथं लोक पर्यटनासाठी जातात. त्याच्या पूर्वेला आता तिथं काही नाही, खोल समुद्र आहे. लंकेचं काय झालं माहिती नाही पण तिथं लंका होती.

त्या भागाचं संशोधन करून अभ्यास केला असता एक दगड होता तो लाल आणि सोनेरी रंग यांच्या मधला रंग होता. अशा पद्धतीने त्या भिंती रंगवलेल्या होत्या, असं ओक यांनी सांगितलं.