Dagdusheth Ganpati: ढोल-ताशांचा गजर अन् मंत्रोच्चाराचे सूर, दगडूशेठ गणपती थाटात विराजमान, Video

पुणे: लाखो भक्तांचे श्रद्धास्थान असलेल्या श्रीमंत दगडूशेठ हलवाई गणपतीची प्राणप्रतिष्ठापना आज गणेश चतुर्थीला मोठ्या उत्साहात झाली. सकाळपासूनच मंडळाच्या परिसरात भक्तांची मोठी गर्दी उसळली होती. पारंपरिक ढोल-ताशांचा गजर, मंत्रोच्चार आणि भक्तिमय वातावरणात प्राणप्रतिष्ठेची विधिवत पूजा करण्यात आली. मंडळाच्या पदाधिकाऱ्यांसह प्रतिष्ठित मान्यवरांच्या उपस्थितीत पूजनाचा सोहळा पार पडला. पौराणिक विधीनुसार केलेल्या या पूजेमुळे संपूर्ण परिसरात आध्यात्मिक वातावरण निर्माण झाले होते. भक्तांच्या जयघोषाने दगडूशेठ गणपतीच्या प्रांगणात ‘गणपती बाप्पा मोरया’चे गजर घुमत होते.