Ganeshotsav 2025: नाशिकात अवतरली श्रीकृष्ण सृष्टी, मथुरेतील प्रेम मंदिर पाहण्यासाठी गणेशभक्तांच्या रांगा, Video
- Published by:Shankar Pawar
- Reported by:Kunal Santosh Dandgaval
Last Updated:
Ganeshotsav 2025: गेल्या 19 वर्षापासून श्री प्रतिष्ठान सार्वजनिक गणेश मंडळाकडून प्रसिद्ध मंदिरांच्या प्रतिकृती साकारल्या जातात. यंदा मथुरेतील प्रसिद्ध प्रेम मंदिर साकारले आहे.
नाशिक: दरवर्षी महाराष्ट्रात मोठ्या उत्साहात सार्वजनिक गणेशोत्सव साजरा केला जातो. विविध मंडळांकडून आकर्षक आणि भव्य गणेश मूर्तींसोबतच देखाव्यांची आरास देखील साकारली जाते. नाशिकमध्ये देखील दरवर्षी गणेशोत्सवानिमित्त आकर्षक आणि प्रबोधनात्मक देखावे साकारले जातात. यंदा इंदिरानगर येथील श्री प्रतिष्ठान सार्वजनिक गणेश मंडळाच्या मार्फत उत्तर प्रदेशातील प्रसिद्ध तीर्थक्षेत्र मथुरेतील प्रेम मंदिराची व श्री कृष्ण सृष्टीची आरास साकारण्यात आली आहे. ती पाहण्यासाठी भाविकांची मोठी गर्दी होतेय.
गेल्या 19 वर्षापासून श्री प्रतिष्ठान सार्वजनिक गणेश मंडळ नव नवीन कलाकृतीच्या माध्यमातून गणेश उत्सव साजरा केला जातो. दरवर्षी देशभरातील प्रसिद्ध मंदिरांच्या आकर्षक प्रतिकृती बनवल्या जातात. 2024 मध्ये देखील या मंडळाने उत्तर महाराष्ट्रातील सर्वोत्कृष्ट देखवा म्हणून प्रथम पुरस्कार मिळवला होता. फायर अॅण्ड सिक्युरिटी असोसिएशन ऑफ इंडिया संस्थेतर्फे सुरक्षित गणेश मंडळ म्हणून नाशिक जिल्ह्यातून पहिला पुरस्कार मिळाला होता.
advertisement
यंदा आकर्षक देखावा
यंदा देखील श्री प्रतिष्ठानने पर्यावणपुरक मथुरेतील प्रसिद्ध प्रेम मंदिर साकारले आहे. विशेष म्हणजे हे मंदिर साकारताना पर्यावरणपुरक वस्तूंचा वापर केला आहे. ही आरास प्रेम मंदिराची हुबेहुब प्रतिकृती आहे. तसेच मंदिरातील परिसरात श्री कृष्ण सृष्टी साकारली असून यात बाळ कृष्णाच्या जन्मापासून ते त्यांच्या सर्व रासलीला यात दाखवण्यात आल्या आहेत.
advertisement
दरम्यान, मथुरेतील प्रेम मंदिराची हुबेहुब प्रतिकृती नाशिकमध्ये पाहायला मिळत असल्याने नाशिककर गर्दी करत आहेत.
Location :
Nashik,Maharashtra
First Published :
Aug 31, 2025 3:55 PM IST
मराठी बातम्या/Temples/
Ganeshotsav 2025: नाशिकात अवतरली श्रीकृष्ण सृष्टी, मथुरेतील प्रेम मंदिर पाहण्यासाठी गणेशभक्तांच्या रांगा, Video
