Mahashivratri: त्या दिवशी विनाश अटळ! ठाण्यात 1100 वर्षे पुरातन शिवमंदिर, पाहा आख्यायिका

राज्यभरात असलेल्या सर्वच मंदिरांमधल्या शिवलिंगांपैकी या मंदिरात असलेल शिवलिंग हे सर्वात मोठे आहे. शिवलिंगाचा व्यास पाच फूट आणि उंची पाच फूट आहे. असे मानले जाते की दरवर्षी शिवलिंगाची उंची वाढते आणि ज्या दिवशी ते मंदिराच्या छताला स्पर्श करेल त्या दिवशी विनाश होईल. देशभरात किंवा देशाच्या बाहेर यापेक्षा मोठे शिवलिंग असू शकते मात्र, महाराष्ट्रात असलेल्या सर्व मंदिरांमध्ये या आकाराचे शिवलिंग कुठेही पाहायला मिळत नाही, असं सांगितलं जातं.

कौपिनेश्वर मंदिर हे ठाणे येथील कुलदैवत मानल्या जाणाऱ्या भगवान शिव यांना समर्पित आहे. मंदिराच्या प्रवेशद्वारावर एक मोठा नंदी भक्तांचे स्वागत करतो. इसवी सन 1240 या काळात ठाणे प्रदेशावर शिलहारा राजवंशाचे राज्य होते. ते भगवान शिवाचे कट्टर अनुयायी होते आणि म्हणूनच त्यांनी त्यांच्या राजवटीत कौपिनेश्वर मंदिर बांधले. मूळतः कौपिनेश्वर मंदिर भगवान कोपिनेश्वर यांच्या सन्मानार्थ पाण्याखाली बांधले गेले होते. 1760 मध्ये, सरसुभेदार रामाजी महादेव बिवलकर यांनी मंदिराचा जीर्णोद्धार केला. 1879 मध्ये, हिंदू समुदायाने मंदिर पुन्हा बांधले. तेव्हापासून, मंदिर परिसरात विकास कामे झाली आहेत. गर्भगृहासमोरील सभामंडप 1879 मध्ये देणग्या गोळा करून पुनर्संचयित करण्यात आला. नंतर 1996 मध्ये त्याचे पुन्हा नूतनीकरण करण्यात आले.