Temple: महाराष्ट्रातील स्वयंभू शिवलिंग असणारे मंदिर, किल्ला देवस्थान म्हणून आहे ओळख, इतिहास काय? Video

नागपूर : विदर्भात अनेक पुरातन शिव मंदिरे आहेत. त्यातीलच एक असलेले अतिप्राचीन शिव मंदिर हे नागपूर जिल्ह्यातील जलालखेडा गावात आहे. नागपूरवरून 80 किमी अंतरावर असलेल्या जलालखेडा येथे अतिप्राचीन शिव मंदिर आहे. ते शिव मंदिर जलालखेडा येथील श्री सोमेश्वर मंदिर किल्ला देवस्थान या नावाने ओळखले जाते. या मंदिराच्या नावात किल्ला असा उल्लेख करण्याचे कारण हेच की हे मंदिर जलालखेडा येथील आमनेर किल्ल्याच्या आतमध्ये आहे. अतिक्रमण आणि बऱ्याच गोष्टींमुळे आता किल्ल्याचे अवशेष खूप कमी आहेत. तरीही किल्ला ही ओळख कायम राहावी यासाठी त्याठिकाणी थोडे बांधकाम करून विविध मंदिरांची उभारणी केली आहे. त्याठिकाणी असलेले शिव मंदिर हे स्वयंभू असून अतिप्राचीन असल्याचं तेथील नागरिक सांगतात.