Ganesh idols : गाईच्या शेणापासून साकारल्या गणेश मूर्ती, महिन्याला होते हजारो रुपयांची कमाई

नाशिक: सध्याची लाईफस्टाईल फार धकाधकीची झाली आहे. घरातील तरुण मंडळी कामानिमित्त सतत धावपळत करत असतात. कामाच्या ताणामुळे त्यांना कुटुंबियांना पुरेसा वेळ देखील देता येत नाही. अशा परिस्थितीमध्ये घरातील ज्येष्ठ मंडळी एकाकी पडतात. नाशिक येथे राहणाऱ्या 55 वर्षीय रोमा वर्मा या देखील अशाच प्रकारे एकाकी पडल्या होत्या. मात्र, त्यांनी खचून न जाता स्वत:च्या करमणुकीसाठी एक वेगळा मार्ग शोधून काढला. त्या शेणापासून गणेश मूर्ती आणि कलाकुसरीच्या वस्तू तयार करतात. यातून त्यांची करमणूक तर होतेच शिवाय आर्थिक कमाई देखील होत आहे.