हास्यजत्रे'तील कलाकारही या चवीचे फॅन! मुंबईत मिळतंय अस्सल घरगुती मालवणी जेवण

मुंबई : सुरमई, बांगडा, पापलेट असे माशांचे पदार्थ म्हटले की मुंबईकरांच्या तोंडाला हमखास पाणी सुटते. आठवड्याच्या शेवटी एखाद्या रेस्टॉरंटमध्ये जाऊन मस्त मालवणी जेवण करण्याचा अनेकांचा बेत असतो. हीच गोष्ट लक्षात घेऊन आणि घरगुती मालवणी चव सर्वांपर्यंत पोहोचावी या उद्देशाने बोरिवलीतील यज्ञेश सातार्डेकर या तरुणाने आयसी कॉलनी येथे पोटली बाबा हे किचन सुरू केले आहे. आज हे ठिकाण मालवणी जेवणासाठी अनेकांच्या आवडीचे ठरत आहे.