लग्नाला नकार दिल्याचा राग, नराधमाने पोरीवर कोयत्याने हल्ला चढवला, जुन्नरची घटना

सचिन तोडकर, प्रतिनिधी, पुणे : पुण्याच्या जुन्नरमध्ये असणाऱ्या आदिवासी मुलींच्या शासकीय वसतिगृहात राहणाऱ्या एका महाविद्यालयीन विद्यार्थिनीवर तिच्याच गावच्या युवकाने लग्नाला नकार दिल्याचा राग मनात धरून कोयत्याने हल्ला केला. या हल्ल्यात विद्यार्थिनी गंभीर जखमी झाली असून तिच्यावर जुन्नर येथे खासगी रुग्णालयात उपचार सुरू आहेत. हल्ला करणारा आरोपी पसार झाला असून जुन्नर पोलीस आरोपीचा तपास करत आहेत.