तब्बल 100 वर्षांनी निर्माण होतोय राजयोग; 'या' 3 राशींवर पडणार जणू पैशांचा पाऊस

देवघर, 12 डिसेंबर : आता केवळ 19 दिवस, मग उजाडेल 2024. त्यामुळे या वर्षातली सर्व राहिलेली कामं आटोपून घ्या. संकल्प पूर्ण करण्याचा प्रयत्न करा कारण नवं वर्ष म्हणजे नवी सुरुवात आणि नवे संकल्प. ज्योतिषशास्त्रानुसार, येणारं वर्ष अत्यंत शुभ असणार आहे. याच वर्षात तब्बल 100 वर्षांनी मे महिन्यात बुध आणि शुक्राच्या युतीमुळे गजलक्ष्मी राजयोग तयार होणार आहे.

झारखंडच्या देवघरचे प्रसिद्ध ज्योतिषी पंडित नंदकिशोर मुद्गल यांनी सांगितलं की, 'एखादं काम पूर्ण होत नाही म्हणून आपण कधीकधी प्रचंड हैराण असतो. परंतु एक क्षण असा येतो, ज्याची आपण अपेक्षाही केलेली नसते. आपलं थकीत काम अगदी चुटकीसरशी पूर्ण होतं. कार्यातल्या सर्व अडचणी नकळत दूर होतात. हे असं कसं होतं बरं? तर ते त्या-त्या कालावधीत सुरू असलेल्या शुभ योगामुळे शक्य होतं.'

आता येत्या 1 मे रोजी बुध ग्रह वृषभ राशीत प्रवेश करेल. त्यानंतर 19 मे रोजी शुक्र ग्रहाचा वृषभ राशीत प्रवेश होईल. हे दोन्ही ग्रह एकाच राशीत आल्याने गजलक्ष्मी राजयोग तयार होणार आहे. हा योग सिंह, कर्क आणि धनू राशीच्या व्यक्तींसाठी अत्यंत लाभदायी ठरेल. याबाबत सविस्तर माहिती जाणून घेऊया.

सिंह : गजलक्ष्मी राजयोगामुळे आपल्यासाठी उत्पनाचे नवे स्रोत निर्माण होतील. विशेषतः मे महिन्यात आपल्यावर धनवर्षा होईल. चहूबाजूंनी आपल्याला पैसेच पैसे मिळतील. व्यापारातदेखील बक्कळ नफा होईल. सामाजिक आणि धार्मिक कार्यांमध्ये सहभाग घ्याल. कुटुंबियांसह धार्मिकस्थळी प्रवास होऊ शकतो.

कर्क : गजलक्ष्मी राजयोगामुळे आपल्याला आपले थकीत पैसे मिळतील. एखादं नवं काम सुरू करण्यासाठी हा कालावधी अनुकूल असेल. कामानिमित्त आपला विदेश प्रवास होऊ शकतो. नवीन वर्षात आपली बचतही चांगली होईल. शिवाय या वर्षात आपण गाडी किंवा प्रॉपर्टी खरेदी करू शकता.

धनू : गजलक्ष्मी राजयोगामुळे आपल्या आयुष्यात अनेक सकारात्मक बदल घडतील. हाती घ्याल त्या कार्यात यश मिळेल. आपल्या मुलांसंबंधित शुभवार्ता कळतील. कुटुंबियांसोबत चांगला वेळ घालवाल. घरात आनंदाचं वातावरण असेल. एकूणच 2024 हे वर्ष आपल्यासाठी सुखद असणार आहे.