घरात आणि ऑफिसमध्ये ठेवा 'या' पक्ष्याची प्रतिमा; लक्ष्मीमाता होईल प्रसन्न

घुबड या पक्ष्याबद्दल अनेकांना भीती वाटते. काही जण तो अशुभही मानतात. त्याचा फोटो किंवा मूर्ती घरात ठेवण्याबद्दल अनेकांच्या मनात शंका असते. वास्तविक हिंदू धर्मात घुबड शुभ मानलं गेलं आहे. कारण घुबड हे लक्ष्मीचं वाहन आहे. असं सांगितलं जातं, की घरात घुबडाची मूर्ती किंवा फोटो ठेवला, तर लक्ष्मीमाता प्रसन्न होते. तसंच, तिची कृपा कायम राहते. अर्थात, वास्तुशास्त्रानुसार ते ठेवलं तरच लक्ष्मीची कृपा होणं शक्य आहे. त्यामुळे घरात किंवा ऑफिसमध्ये घुबडाची प्रतिमा ठेवण्यासंदर्भात वास्तुशास्त्रात काय सांगितलं आहे, याबद्दल जाणून घेऊ या.

घरात घुबडाचा फोटो किंवा मूर्ती ठेवायची असेल, तर देवघर किंवा स्टडी रूम अर्थात अभ्यासाची खोली ही योग्य ठिकाणं आहेत. या ठिकाणी घुबडाची प्रतिमा लावल्यास घरात सकारात्मकतेचा अनुभव येतो. घरावर कोणाची वाईट नजर असेल, तर ती दूर होईल. घरात सुख-समृद्धी येईल.