स्वप्नात हत्ती दिसण्याचा काय अर्थ असतो? शुभ की अशुभ, काय सांगतं स्वप्नशास्त्र?

काहीवेळा आपल्याला प्राण्यांची स्वप्न पडतात. हत्ती हा मूळातच शुभ प्राणी मानला जातो. त्याला साक्षात गणपती बाप्पाचं रूप मानतात. आज आपण हत्ती स्वप्नात येण्यामागे नेमका काय अर्थ असतो जाणून घेणार आहोत. स्वप्नात हत्ती दिसणं हा अत्यंत शुभ संकेत असतो, असं म्हणतात. याचा अर्थ असा होतो की, लवकरच आयुष्यात भरपूर आनंद येणार आहे. तसंच स्वप्नात हत्ती विविध रूपात दिसण्याचा नेमका काय अर्थ होतो, जाणून घेऊया.

हत्तीची सवारी दिसणं : हे करियरबाबत सकारात्मकता दर्शविणारं स्वप्न असतं. याचा अर्थ असा होतो की, लवकरच आपलं प्रमोशन होणार आहे, कामकाज विस्तारणार आहे. अर्थात हे स्वप्न प्रगतीचा संकेत देतं.

गरोदरपणात हत्तीचं स्वप्न पडणं : एखाद्या महिलेला गरोदरपणात हत्तीचं स्वप्न पडणं हा शुभ संकेत असतो. याचा अर्थ असा होतो की, होणारं बाळ अतिशय भाग्यवान असणार आहे.

उभा हत्ती : आपण आपल्या ध्येयाप्रती करत असलेल्या प्रयत्नांमध्ये अडथळा निर्माण होणार असल्याचा हा संकेत असतो. शिवाय आपल्या कठीण काळात आपण एकटे पडणार आहोत याचाही हा संकेत असू शकतो.