19 फेब्रुवारीपासून सुरू होतोय माह-ए-रमजान, सेहरी अन् इफ्ताराच्या वेळा; वाचा संपूर्ण वेळापत्रक

Ramadan 2026 : जगभरातील मुस्लिम समुदायासाठी अत्यंत पवित्र मानला जाणारा रमजान महिना आता अगदी जवळ आला आहे. रमजान हा केवळ उपासनेचा महिना नसून तो संयम, प्रार्थना आणि दानधर्माचा काळ मानला जातो. इस्लाम धर्मात रमजानचा महिना सर्वात खास आणि पवित्र मानला जातो. या संपूर्ण महिन्यात लोक उपवास आणि प्रार्थना करतात. दरवर्षीप्रमाणे यंदाही सौदी अरब आणि भारतात रमजान कधी सुरू होणार, याबाबतची उत्सुकता शिगेला पोहोचली आहे. इस्लामिक कॅलेंडरनुसार, रमजान नवव्या महिन्यात येतो. दरवर्षी, अमावस्या झाल्यानंतर या महिन्याची सुरुवात होते. या कारणास्तव, वेगवेगळ्या देशांमध्ये आणि ठिकाणी त्याची तारीख वेगवेगळी असू शकते. यावर्षी, रमजान 18 फेब्रुवारी रोजी सुरू होतो की 19 फेब्रुवारी रोजी याबद्दल गोंधळ आहे.