मुस्लीम धर्मात 2 ईद का साजरे करतात? दोन्हीमध्ये काय फरक असतो? त्यामागच्या कथा ऐकून व्हाल थक्क!

मुस्लिम धर्मगुरू मौलाना इब्राहिम हुसेन सांगतात की, ईद-उल-अजहा, ज्याला सामान्यतः 'बकरी ईद' म्हटलं जातं, ती हजरत इब्राहिम अलैहिस्सलाम यांच्या त्यागाच्या स्मरणार्थ साजरी केली जाते. मौलाना इब्राहिम सांगतात की, पवित्र कुराणनुसार, अल्लाने हजरत इब्राहिम यांची परीक्षा घेतली आणि त्यांना त्यांचा सर्वात प्रिय मुलगा हजरत इस्माईल यांचा बळी देण्यास सांगितलं. त्यांनी अल्लाची आज्ञा कोणताही विचार न करता लगेच मान्य केली.

मौलाना इब्राहिम सांगतात की, ईद-उल-फित्र रमजान महिना पूर्ण झाल्यानंतर साजरी केली जाते, जेव्हा मुस्लिम पूर्ण महिनाभर उपवास (रोजे) करतात. हा ईद उपवास आणि संयमाचं बक्षीस आहे. या दिवशी फितरा (दान) देणं आवश्यक आहे, जेणेकरून गरीब आणि गरजवंत लोकही ईदच्या आनंदात सहभागी होऊ शकतील. मिठाई, शेवया आणि एकत्र आनंद वाटून घेणं हे या ईदमध्ये मुख्य असतं.