Jasprit Bumrah Injury: बुमराहचे करिअर धोक्यात? MIच्या माजी प्रशिक्षकाच्या दाव्यानंतर अफवांना ऊत, जाणून घ्या सत्य

मुंबई: आयपीएलचा 18वा हंगाम सुरु होण्यासाठी काही दिवसांचा कालावधी शिल्लक आहे. सर्व संघ आयपीएलच्या तयारीला लागले असताना सर्वाधिक चर्चा होत आहे ती मुंबई इंडियन्सचा आघाडीचा जलद गोलंदाज जसप्रीत बुमराहच्या दुखापतीबाबत होय. भारतीय क्रिकेट संघाचा प्रमुख वेगवान गोलंदाज जसप्रीत बुमराह सध्या क्रिकेटपासून दूर आहे. 2024-25 च्या बॉर्डर-गावस्कर ट्रॉफीच्या अखेरच्या कसोटी सामन्यात त्याला दुखापत झाली होती. सिडनी येथे झालेल्या सामन्याच्या दुसऱ्या दिवशी पाठीच्या दुखापतीमुळे त्याला काही आठवडे विश्रांती घेण्याचा सल्ला देण्यात आला होता. त्यामुळेच तो चॅम्पियन्स ट्रॉफी 2025 संघातून बाहेर पडला. आता मार्च महिना अर्ध्यावर आला तरी त्याने अजून गोलंदाजी सुरू केलेली नाही.