Divya Deshmukh : चेस वर्ल्ड चॅम्पियन दिव्या देशमुखला नितीन गडकरींचा Video कॉल, थेट मराठीतून संवाद
- Published by:Shreyas Deshpande
Last Updated:
नागपूरच्या दिव्या देशमुखने महिला बुद्धिबळ विश्वचषक जिंकून इतिहास घडवला आहे. केंद्रीय मंत्री आणि नागपूरचे लोकसभा खासदार नितीन गडकरी यांनी दिव्याला व्हिडिओ कॉल करून तिच्या या यशाबद्दल तिचं अभिनंदन केलं.
नागपूर : नागपूरच्या दिव्या देशमुखने महिला बुद्धिबळ विश्वचषक जिंकून इतिहास घडवला आहे. केंद्रीय मंत्री आणि नागपूरचे लोकसभा खासदार नितीन गडकरी यांनी दिव्याला व्हिडिओ कॉल करून तिच्या या यशाबद्दल तिचं अभिनंदन केलं. नितीन गडकरी यांनी दिव्या देशमुखला फोन करून तिच्यासोबत मराठीतून संवाद साधला.
नागपूरच्या मुलीला विश्वविजेतेपद मिळाल्याचा आनंद नितीन गडकरींच्या चेहऱ्यावर स्पष्ट दिसत होता. नितीन गडकरींनी मराठीमध्ये दिव्याचं अभिनंदन केलं. दिव्याने अंतिम फेरीत भारताच्याच कोनेरू हम्पीचा पराभव केला. 19 वर्षीय दिव्याच्या यशाचा आनंद संपूर्ण देश साजरा करत आहे. दिव्या बुद्धिबळ विश्वचषक जिंकणारी पहिली भारतीय महिला ठरली आहे. नागपुरात दिव्याच्या विजयानंतर आतषबाजी करून आनंद साजरा करण्यात आला.
advertisement
#WATCH | Union Minister Nitin Gadkari congratulated Divya Deshmukh, who made the entire country proud by winning the 2025 FIDE Chess World Cup held in Batumi, Georgia.
(Video Source: Office of Nitin Gadkari) pic.twitter.com/2XNLjJWlEC
— ANI (@ANI) July 28, 2025
advertisement
काय म्हणाले गडकरी?
नितीन गडकरी यांनी दिव्याला तिच्या यशाबद्दल शुभेच्छा देऊन प्रोत्साहन दिले. नितीन गडकरी यांनी व्हिडिओ कॉलमध्ये हसत हसत तिचे अभिनंदन केले.
व्हिडिओ कॉलवर दिव्या देशमुखचे अभिनंदन केल्यानंतर, नितीन गडकरी यांनी त्यांच्या सोशल मीडिया अकाऊंटवर संभाषणाचा व्हिडिओ शेअर केला आहे. यामध्ये त्यांनी लिहिले आहे की, 'हा क्षण केवळ नागपूर आणि महाराष्ट्रासाठीच नाही तर संपूर्ण देशासाठी प्रचंड अभिमान आणि आनंदाचा क्षण आहे. दिव्या आणखी उंची गाठत राहावी अशी माझी इच्छा आहे, कारण तिची ही उल्लेखनीय कामगिरी तरुणांसाठी खरी प्रेरणा आहे.'
advertisement
Heartiest congratulations to 19-year-old @DivyaDeshmukh05 from Nagpur for creating history by winning the FIDE Women’s World Chess Cup! ♟🏆
In her debut, she becomes the first Indian to clinch the Women’s Candidates Tournament — a phenomenal achievement for Maharashtra and a… pic.twitter.com/IMHhzTgymA
— Nitin Gadkari (@nitin_gadkari) July 28, 2025
advertisement
नितीन गडकरी यांनी दिव्या देशमुख बुद्धिबळाची विश्वविजेती बनली तेव्हाचा क्षणही शेअर केला आहे. हा विश्वचषक जॉर्जियामध्ये खेळला गेला होता. भारतात परतल्यावर मुंबईसह नागपूरमध्ये दिव्या देशमुखचं स्वागत करण्याची जय्यत तयारी सुरू झाली आहे.
Location :
Nagpur,Maharashtra
First Published :
Jul 28, 2025 11:48 PM IST
मराठी बातम्या/स्पोर्ट्स/
Divya Deshmukh : चेस वर्ल्ड चॅम्पियन दिव्या देशमुखला नितीन गडकरींचा Video कॉल, थेट मराठीतून संवाद
