टी-20 क्रिकेटमध्ये तांडव! 52 चेंडूत गोलंदाजांची पिसे काढली, 10 षटकारांसह केल्या इतक्या धावा

बिग बॅश लीगमध्ये मेलबर्न स्टार्सकडून खेळताना मॅक्सवेलने मेलबर्न रेनगेड्सच्या गोलंदाजांची पिसे काढली. त्याने फक्त 52 चेंडूत 90 धावा केल्या. यात 10 षटकार आणि 4 चौकारांचा समावेश होता. मॅक्सवेलने त्याच्या खेळीत 122 मीटर लांब षटकार देखील मारला. हा षटकार पाहून प्रेक्षक हैराण झाले. सोशल मीडियावर त्याच्या या षटकाराचा व्हिडिओ व्हायरल होत आहे. ही मॅच पाहण्यासाठी आघाडीचा टेनिसपटू नोव्हाक जोकोव्हिच देखील आला होता.

ही लढत मेलबर्न स्टार्सने 42 धावांनी जिंकली. विजयासाठी 166 धावांचे लक्ष्य घेऊन मैदानात उतरलेल्या मेलबर्न रेनगेड्सचा डाव 123 धावांत संपुष्ठात आला.  संघ अडचणीत असताना अशा प्रकारची वादळी खेळी करण्याची मॅक्सवेलची ही पहिली वेळ नाही. याआधी ऑस्ट्रेलियासाठी त्याने अशी खेळी केली आहे. भारतात झालेल्या वनडे वर्ल्डकप दरम्यान अफगाणिस्तानविरुद्धच्या लढतीत मॅक्सवेलने दुखापत असताना अशीच खेळी करून संघाला विजय मिळून दिला होता. तेव्हा जर ऑस्ट्रेलियाने लढत गमावली असती तर कदाचित ते अंतिम फेरीत पोहोचू शकले नसते आणि त्या परिस्थिती भारताला अंतिम सामन्यात अन्य संघाविरुद्ध लढावे लागले असते.