Yograj Singh on Kapil Dev: कपिल देवच्या डोक्यात गोळ्या घालणार होतो, त्याच्या आईमुळे वाचला; युवराज सिंगच्या वडिलांचे धक्कादायक वक्तव्य

योगराज सिंग यांनी याआधी अनेकदा वादग्रस्त वक्तव्य केली आहेत. एकेकाळी मी कपिल देव यांना ठार मारण्यासाठी पिस्तूल घेऊन त्यांच्या घरी जाण्याचा प्रयत्न केला होता.जेव्हा कपिल देव यांनी आपल्याला भारतीय संघातून वगळले होते तेव्हा आपण असा निर्णय घेतला होता, असे योगराज म्हणाले. योगराज यांनी भारताकडून 1980-81 मध्ये ऑस्ट्रेलिया आणि न्यूझीलंडविरुद्ध एक कसोटी आणि सहा एकदिवसीय सामने खेळले होते.

कपिल देव यांच्याविरोधातील राग व्यक्त करताना योगराज म्हणाले, कपिल देव जेव्हा भारत, नॉर्थ झोन आणि हरियाणाचा कर्णधार झाला तेव्हा त्याने मला कोणत्याही कारणाशिवाय संघातून वगळले होते. माझ्या पत्नीला वाटले की मी याबाबत कपिल देवला जाब विचारावा. पण माझ्या मनात होते की त्याला धडा शिकवावा. मी पिस्तूल बाहेर काढले आणि सेक्टर ९ मधील कपिलच्या घरी गेलो. तो त्याच्या आईसोबत बाहेर आला. मी त्याला शिवीगाळ केली आणि म्हटले की, तुझ्यामुळे मी माझा मित्र गमावला आहे आणि तू जो काही केलास त्याची किंमत तुला मोजावी लागेल. तुझ्या डोक्यात गोळी घालायची आहे, पण मी असे करणार नाही कारण तुझी आई इथे उभी आहे. मी शबनमला (माझ्या पत्नीला) म्हटले, चल घरी जाऊया. त्या क्षणी मी ठरवले की यापुढे क्रिकेट खेळणार नाही. पण युवराजला क्रिकेटपटू करेन.