IND vs PAK : 'ऑपरेशन सिंदूर'नंतरही होणार भारत-पाकिस्तान क्रिकेट सामना, वर्ल्ड कपच्या टाईम टेबलची घोषणा

महिला वनडे वर्ल्ड कपच्या लीग स्टेजमध्ये एकूण 28 लीग मॅच होणार आहेत, यानंतर सेमी फायनल आणि फायनलचे 3 नॉक आऊट सामने होतील, जे बंगळुरू, इंदूर, गुवाहाटी, विशाखापट्टणम आणि कोलंबोमध्ये खेळवले जातील. पहिली सेमी फायनल 29 ऑक्टोबरला गुवाहाटीमध्ये होईल, पण पाकिस्तान सेमी फायनलला पोहोचली तर हा सामना कोलंबोमध्ये खेळवला जाईल. दुसरी सेमी फायनल 30 ऑक्टोबरला बंगळुरूमध्ये होईल. 2 नोव्हेंबरला होणारी फायनलही बंगळुरू किंवा कोलंबोमध्ये होणार आहे.

वनडे वर्ल्ड कपमध्ये भारत, ऑस्ट्रेलिया, इंग्लंड, न्यूझीलंड, दक्षिण आफ्रिका आणि श्रीलंका या टीमनी थेट क्वालिफाय केलं आहे. तर यावर्षीच्या सुरूवातीला लाहोरमध्ये झालेल्या क्वालिफायरमध्ये पाकिस्तान आणि बांगलादेश क्वालिफाय होणाऱ्या शेवटच्या 2 टीम ठरल्या होत्या. वेस्ट इंडिज या वर्ल्ड कपमध्ये क्वालिफाय न झाल्यामुळे खेळणार नाही.