Marriage Registration: BMC चा मोठा निर्णय, मुंबईत शनिवार-रविवारीही करता येणार विवाह नोंदणी, नवे नियम

मुंबई: विवाह नोंदणी प्रमाणपत्र हे प्रत्येक दाम्पत्यासाठी अत्यंत महत्त्वाचे दस्तऐवज मानले जाते. विविध शासकीय कामकाजासाठी, व्हिसा, बँकिंग, सरकारी योजना यांसाठी हे प्रमाणपत्र आवश्यक असते. साधारणपणे नागरिकांना ही नोंदणी सोमवार ते शुक्रवार आपल्या जवळच्या वॉर्ड कार्यालयांत करता येते. मात्र, आता मुंबईकरांसाठी एक मोठी सोय करण्यात आली आहे. यापुढे शनिवार आणि रविवारी देखील विवाह नोंदणी करता येणार असून, नोंदणी झालेल्या त्याच दिवशी प्रमाणपत्रही मिळणार आहे.