IPL 2026 : धोनीला नीट चालताही येईना... कसाबसा ड्रेसिंग रूमपर्यंत पोहोचला, CSK ला वेदना देणारा Video

Published by:Shreyas Deshpande

Last Updated:Mar 28, 2026 8:56 PM IST

आयपीएल 2026 च्या मोसमाला सुरूवात झाली आहे, पण त्याआधीच चेन्नई सुपरकिंग्सला मोठा धक्का बसला आहे. सीएसकेचा सगळ्यात मोठा स्टार एमएस धोनी कमीत कमी 2 आठवड्यांसाठी आयपीएलमधून बाहेर झाला आहे.

इम्पॅक्ट शॉटतुमचा गेटवे लेटेस्ट न्यूज

Translate

+ Follow usOn Google

धोनीला नीट चालताही येईना... कसाबसा ड्रेसिंग रूमपर्यंत पोहोचला, CSK ला वेदना देणारा Video

चेन्नई : आयपीएल 2026 च्या मोसमाला सुरूवात झाली आहे, पण त्याआधीच चेन्नई सुपरकिंग्सला मोठा धक्का बसला आहे. सीएसकेचा सगळ्यात मोठा स्टार एमएस धोनी कमीत कमी 2 आठवड्यांसाठी आयपीएलमधून बाहेर झाला आहे. सीएसकेने धोनीच्या दुखापतीबाबत अधिकृत माहिती दिली आहे. धोनीच्या पिंडलीच्या मांसपेशींना दुखापत झाली आहे, त्यामुळे त्याच्यावर उपचार सुरू आहेत, असं सीएसकेकडून सांगण्यात आलं आहे. 30 मार्चला सीएसके त्यांचा पहिला सामना राजस्थान रॉयल्सविरुद्ध खेळणार आहे.

धोनी किती मॅचना मुकणार?

एमएस धोनी जवळपास 2 आठवडे आयपीएलमधून बाहेर होऊ शकतो. या दोन आठवड्यांमध्ये चेन्नई 4 मॅच खेळणार आहे. पहिली मॅच 30 मार्चला राजस्थानविरुद्ध गुवाहाटीमध्ये तर दुसरी मॅच 3 एप्रिलला पंजाब किंग्सविरुद्ध चेन्नईमध्ये होईल. यानंतर 5 एप्रिलला सीएसकेचा सामना आरसीबीविरुद्ध आणि 11 एप्रिलला दिल्लीविरुद्ध होणार आहे. पहिल्या 2 आठवड्यांमध्ये सीएसके 4 मॅच खेळणार आहे.

Anyone thinking this calf strain is intentional is completely wrong.

He was clearly limping even before this.

And Dhoni isn’t someone who hides behind excuses.

This is the same man who took the stumps at Melbourne and retired without noise. pic.twitter.com/5B1hXVXxic

— Abhinav MSDian (@Abhinav_hariom) March 28, 2026

एमएस धोनीचे काही व्हिडिओ सोशल मीडियावर आले आहेत, ज्यात धोनीला चालतानाही वेदना होत असल्याचं दिसत आहे. नेट प्रॅक्टिस झाल्यानंतर धोनी स्वत:ची किट बॅग घेऊन ड्रेसिंग रूमच्या दिशेने जात आहे, पण मैदान सोडून जात असताना धोनीला त्रास जाणवत असल्याचं या व्हिडिओमध्ये स्पष्ट दिसत आहे. एमएस धोनी हा 44 वर्षांचा आहे, त्यामुळे तो आयपीएल खेळणार का नाही? याबाबत सुरूवातीपासूनच प्रश्नचिन्ह उपस्थित केलं गेलं होतं.