संजू सॅमसन डीलमध्ये धक्कादायक ट्विस्ट! शाहरुखची अचानक एन्ट्री, KKRची जबरा ऑफर

मुंबई : संजू सॅमसनने आयपीएलमध्ये राजस्थानची साथ सोडण्याची इच्छा व्यक्त केल्यानंतर फ्रॅन्चायजीकडून संजूला ट्रेड करण्यासाठीचे प्रयत्न सुरू झाले आहेत. याआधी सीएसके संजूला टीममध्ये घेण्यासाठी इच्छुक असल्याचं वृत्त होतं, तसंच राजस्थान आणि चेन्नई सुपर किंग्सच्या व्यवस्थापनामध्ये चर्चा झाल्याचंही समोर आलं होतं, पण आता संजू सॅमसनच्या डीलमध्ये अचानक केकेआरची एन्ट्री झाली आहे. आनंद बजार पत्रिकाने दिलेल्या वृत्तानुसार संजू सॅमसनच्या डीलसाठी केकेआरने राजस्थानला दोन खेळाडूंची नावांची ऑफर दिली आहे, यातल्या एका खेळाडूला सोडण्यासाठी केकेआर तयार आहे.