MI VS SRH : मुंबई इंडियन्सची झुंज अपयशी, सनरायजर्स हैदराबादचा दणदणीत विजय

हैदराबादच्या राजीव गांधी स्टेडियमवर मुंबई इंडियन्स विरुद्ध सनरायजर्स हैदराबाद यांच्यात आयपीएल 2024 चा आठवा सामना खेळवला गेला. या सामन्यापूर्वी झालेला टॉस मुंबई इंडियन्सचा कर्णधार हार्दिक पंड्याने जिंकून प्रथम गोलंदाजीचा निर्णय घेतला. सनरायजर्स हैदराबादने प्रथम फलंदाजी करताना 20 ओव्हरमध्ये तब्बल 277 धावा केल्या. यादरम्यान हैदराबादच्या फलंदाजांपैकी ट्रेव्हिस हेडने 62, मयांक अग्रवालने 11, अभिषेक शर्माने 63, हेन्रिच क्लासेनने 80 तर एडन मार्करमने 42 धावांची खेळी केली.

सनरायजर्स हैदराबादने मुंबई इंडियन्सला विजयासाठी 20 ओव्हरमध्ये 278 धावा करण्याचे आव्हान दिले होते. मुंबई इंडियन्सचे फलंदाज हे आव्हान पूर्ण करण्यासाठी मैदानात उतरले. सुरुवातीला रोहित शर्मा आणि ईशान किशनने चांगली पार्टनरशिप केली आणि 3.2 ओव्हरमध्ये 56 धावा केल्या. परंतु त्यानंतर ईशान आणि रोहित या दोघांची विकेट घेण्यात हैदराबादच्या गोलंदाजांना यश आले.