IPL : संजूसाठी ऋतुराज गायकवाडचा बळी! जडेजाही संकटात, CSK-राजस्थानच्या डीलमध्ये नवा ट्विस्ट!

मुंबई : आयपीएल 2026 मध्ये राजस्थान रॉयल्सचा कर्णधार संजू सॅमसन दुसऱ्या टीमकडून खेळताना दिसण्याची शक्यता आहे. स्वत: संजू सॅमसनने राजस्थान रॉयल्सच्या मॅनेजमेंटकडे त्याला रिलीज करण्याची किंवा ट्रेड करण्याची मागणी केल्याचं वृत्त काही दिवसांपूर्वीच समोर आलं होतं, यानंतर आता या प्रकरणात नवी माहिती समोर आली आहे. चेन्नई सुपरकिंग्स संजू सॅमसनला त्यांच्या टीममध्ये सामील करण्यासाठी उत्सुक आहे. त्यातच आता राजस्थान रॉयल्सने सीएसके कडे संपर्क केला आहे आणि संजू सॅमसनच्या बदल्यात एका खेळाडूची मागणी केली आहे.