ऑलिंपिक ते क्रिकेट, भारतीय खेळाडूंसाठी ‘टाटा’ ठरले तारणहार, वेळोवेळी अशी केली मदत

भारताचे लोकप्रिय उद्योगपती रतन टाटा यांचे ८६ व्या वर्षी निधन झाले आहे. काल म्हणजेच ९ ऑक्टोबर रोजी मुंबईच्या कँडी रुग्णालयात त्यांनी अखेरचा श्वास घेतला. त्यांच्या निधनानंतर संपूर्ण देशभरात दुःखाचे वातावरण आहे. ऑलिंपिक मेडलिस्ट नीरज चोप्रा ते भारतीय क्रिकेट कर्णधार रोहित शर्मा यांनी त्यांच्या निधनाबाबत शोक व्यक्त केला आहे. टाटा समूह गेल्या १०० वर्षांहून अधिक काळ भारतीय खेळाडूंना पाठिंबा देत आहे. ऑलिंपिक असो वा क्रिकेट, भारतीय खेळाडूंना मदत करण्यासाठी टाटा समूह नेहमीच सर्वांत पुढे उभा राहिला आहे.