'तुम्ही खूप मोठी लोक, कोणी हात लावू शकत नाही', कॅमेरासमोर कुणाला बोलला रोहित शर्मा? Video

मुंबई : भारताच्या वनडे टीमचा कर्णधार रोहित शर्माबद्दल मागच्या बऱ्याच दिवसांपासून वेगवेगळ्या बातम्या प्रसिद्ध होत आहेत. रोहित शर्मावर आता वनडे क्रिकेटमधूनही निवृत्त होण्यासाठी दबाव येत असल्याचं बोललं जात होतं. यातच आता रोहित शर्माचा मुंबई विमानतळावरचा एक व्हिडिओ समोर आला आहे. या व्हिडिओमध्ये रोहित त्याच्या ट्रॉली बॅगसोबत कारच्या दिशेने जात आहे, तेव्हा पॅपराझी त्याचा पाठलाग करतात. या सगळ्यांना पाहून रोहितने दिलेली प्रतिक्रिया व्हायरल होत आहे.