Pune Market: शेतकऱ्यांसाठी महत्त्वाची बातमी, पुण्यातील मार्केट यार्ड 2 दिवस बंद राहणार

पुणे: पुण्यातील कृषी उत्पन्न बाजार समितीत पश्चिम महाराष्ट्रासह राज्यातून शेतीमाल विक्रीसाठी दाखल होत असतो. फळे आणि भाजीपाला मार्केटमध्ये मोठी उलाढाल होत असते. परंतु, पुढील 2 दिवस मार्केट यार्डातील फळे आणि भाजीपाला विभाग बंद राहणार आहे. शनिवारी (6 सप्टेंबर) रोजी साप्ताहिक सुट्टी आणि रविवारी (7 सप्टेंबर) रोजी अनंत चतुर्दशीचा दुसरा दिवस असल्याने बंद राहणार आहे. त्यामुळे शेतकऱ्यांनी या काळात माल विक्रीस आणू नये असे आवाहन बाजार समिती प्रशासनाने केले आहे.