Sourav Ganguly : 2003 पासून दु:ख संपेना... 10 दिवसांमध्ये सौरव गांगुलीचा दुसऱ्यांदा हार्टब्रेक!

आंतरराष्ट्रीय क्रिकेटमधून निवृत्ती घेतल्यानंतर गांगुली बीसीसीआयचा अध्यक्षही होता, त्यानंतर आता गांगुलीने प्रशिक्षकाच्या भूमिकेमध्ये नवी इनिंग सुरू केली, यासाठी तो दिल्ली कॅपिटल्ससोबत जोडला गेला. दक्षिण आफ्रिकेतील टी-20 लीग असलेल्या एसए 20 मध्ये गांगुली प्रिटोरिया कॅपिटलचा हेड कोच होता. कोच म्हणून आपल्या पहिल्याच कार्यकाळात गांगुलीची टीम एसए 20 च्या फायनलमध्ये पोहोचली, पण 25 जानेवारीला झालेल्या फायनलमध्ये प्रिटोरिया कॅपिटलचा 6 विकेटने पराभव झाला.

एसए टी-20 फायनलच्या 10 दिवसांमध्येच सौरव गांगुलीच्या दिल्ली कॅपिटल्सला महिला प्रीमियर लीगमध्येही धक्का लागला आहे. डब्ल्यूपीएलच्या फायनलमध्ये आरसीबीने दिल्ली कॅपिटल्सचा 6 विकेटनेच पराभव केला आहे.

2023 ते 2026 अशा डब्ल्यूपीएलच्या लागोपाठ 4 फायनलमध्ये दिल्ली कॅपिटल्सने प्रवेश केला, पण या चारही फायनलमध्ये दिल्लीला पराभवाचा धक्का बसला आहे.