पाकिस्तानविरुद्ध राडा झाला, त्यावरूनच आता कौतुक, टीम इंडियाने सुधारली गेम चेंजर चूक, Video

भारताने दिलेल्या 194 रनच्या आव्हानाचा पाठलाग करताना नेदरलँडने सावध सुरूवात केली. पॉवर प्लेच्या शेवटच्या ओव्हरमध्ये नेदरलँडची पहिली विकेट गेली. वरुण चक्रवर्तीने मॅक्स ओडवुडला बोल्ड केलं, त्यानंतर आठव्या ओव्हरमध्ये टीम इंडियाला दुसरं यश मिळालं. हार्दिक पांड्याच्या बॉलिंगवर वॉशिंग्टन सुंदरने मायकल लेव्हिटचा बाऊंड्री लाईनवर कॅच पकडला. कॅच पकडत असताना सुंदर बाऊंड्री लाईनच्या बाहेर जाईल, असं वाटत होतं, पण त्याने अजिबात न डगमगता उत्कृष्ट कॅच पकडला.

पाकिस्तानविरुद्धच्या सामन्यात टीम इंडियाचा दणदणीत विजय झाला असला तरी भारतीय टीमने 4 कॅच सोडले होते. यातले 2 कॅच तिलक वर्मा, एक कॅच कुलदीप यादव आणि एक इशान किशनने सोडला होता.

कुलदीप यादवने बाऊंड्री लाईनवरच सोडलेल्या कॅचमुळे मैदानात राडा झाला होता. हार्दिक पांड्या आणि सूर्यकुमार यादव कुलदीप यादवच्या फिल्डिंगवरून चांगलेच भडकले होते, ज्यामुळे कुलदीप यादवलाही राग आला होता. मॅच जिंकल्यानंतर कुलदीपने सूर्यकुमार यादव आणि हार्दिक पांड्यासोबत हस्तांदोलनही केलं नाही. मैदानात झालेला हा राडा लाईव्ह मॅचमध्ये रेकॉर्ड झाला होता, पण या राड्यानंतर टीम इंडियाने त्यांची फिल्डिंग सुधारली आहे.