Trending:

IAS Amit Kataria : भारतातील सर्वात श्रीमंत IAS अधिकारी, पगार फक्त 1 रुपया!

Published by:Kranti Kanetkar

Last Updated:March 17, 2025 2:43 PM IST

IAS अमित कटारिया हे हरियाणाच्या गुरुग्रामचे रहिवासी असून त्यांनी सरकारी नोकरीच्या सुरुवातीला फक्त 1 रुपया पगार घेतला होता. 2015 मध्ये पंतप्रधान मोदींच्या दौऱ्यात प्रोटोकॉल मोडल्यामुळे चर्चेत आले.

इम्पॅक्ट शॉटतुमचा गेटवे लेटेस्ट न्यूज

मुंबई: देशात अनेक IAS अधिकारी आपल्या कामामुळे चर्चेत असतात, तर काही आपल्या वैयक्तिक जीवनामुळे. हरियाणाच्या गुरुग्रामचे रहिवासी असलेले IAS अमित कटारिया हे अशाच चर्चेत राहणाऱ्या अधिकाऱ्यांपैकी एक आहेत. त्यांची एकूण संपत्ती कोट्यवधींमध्ये आहे, पण विशेष म्हणजे, त्यांनी त्यांच्या सरकारी नोकरीच्या सुरुवातीला फक्त 1 रुपया पगार घेतला होता. सध्या ते छत्तीसगडमध्ये IAS अधिकारी म्हणून कार्यरत आहेत.

प्रोटोकॉल मोडल्यामुळे आले चर्चेत

IAS अमित कटारिया हे बस्तर जिल्ह्यात कलेक्टर असताना चर्चेत आले होते. 2015 मध्ये पंतप्रधान नरेंद्र मोदी यांच्या बस्तर दौऱ्यादरम्यान त्यांनी काळा चष्मा घातला होता, जो सरकारी प्रोटोकॉलच्या नियमांचे उल्लंघन होते. त्यामुळे त्यांच्यावर कारणे दाखवा नोटीस जारी करण्यात आली होती. या घटनेमुळे ते संपूर्ण देशभर चर्चेत आले.

IAS अमित कटारिया यांचे शिक्षण आणि कारकीर्द

अमित कटारिया यांनी दिल्लीतल्या प्रतिष्ठित DPS आर.के. पुरम शाळेतून शिक्षण घेतले. त्यानंतर IIT दिल्ली मधून इलेक्ट्रिकल इंजिनियरिंगमध्ये B.Tech पूर्ण केले. त्यांनी UPSC 2003 परीक्षेत 18 वी रँक मिळवली आणि IAS अधिकारी बनले. लहानपणापासूनच ते अभ्यासात अत्यंत हुशार होते. त्यांचे वडील सरकारी शिक्षक म्हणून निवृत्त झाले आहेत.

व्यवसायाने करोडपती, पण देशसेवा प्रथम

अमित कटारिया हे मोठ्या उद्योगपती कुटुंबातून आले आहेत. त्यांचा रिअल इस्टेट आणि इतर व्यवसाय दिल्ली व आसपासच्या भागात विस्तारलेला आहे. सरकारी नोकरीच्या सुरुवातीला त्यांनी फक्त 1 रुपया पगार घेतला. त्यांचे मत होते की, ते सरकारकडून पगार न घेऊनच मोठी देशसेवा करत आहेत.

IAS अमित कटारिया यांची पत्नी कोण?

अमित कटारिया यांच्या पत्नी अस्मिता हांडा या एक व्यावसायिक पायलट आहेत. त्याही लाखोंच्या पगारावर काम करतात. अमित कटारिया यांना प्रवासाची आणि लक्झरी लाइफस्टाईलची खूप आवड आहे. त्यांचे इंस्टाग्राम अकाउंट पाहिले तर त्यावर त्यांच्या सुट्ट्यांतील आणि वैवाहिक आयुष्यातील अनेक फोटो दिसून येतात. त्यांची एकूण संपत्ती सुमारे 8.90 कोटी रुपये आहे.

view comments

Location :

Mumbai,Maharashtra

First Published :

March 17, 2025 9:30 AM IST

IAS Amit Kataria : भारतातील सर्वात श्रीमंत IAS अधिकारी, पगार फक्त 1 रुपया!