Success story: पतंग उडवताना हात गमावले, पायाने पेपर लिहून वैभव झाला महसूल अधिकारी

छोट्या गोष्टींनी आपण हरुन जातो, डगमगून जातो खचून जातो, मात्र ज्याच्याकडे हातच नाहीत अशाने काय करावं? नशीबाला दोष देण्यापेक्षा त्याने जिद्दीनं लढायचं ठरवलं. नांदेडचे रहिवासी असलेले वैभव पईतवार यांनी संघर्षाची कहाणी प्रत्येकाने नक्की वाचायला हवी. आपल्या कठोर मेहनतीच्या आणि जिद्दीच्या बळावर त्यांनी जे अशक्य होतं तेही शक्य करुन दाखवलं. पायाने पेपर लिहून त्यांनी महाराष्ट्र लोकसेवा आयोगपरीक्षेत यशोशिखर गाठले आहे आणि महसूल अधिकारी (Revenue Officer) पदासाठी त्यांची निवड झाली आहे. एका मोठ्या वेदनादायक अपघातानंतरही त्यांनी आपला संघर्ष थांबवला नाही आणि आज त्यांची यशोगाथा अनेकांसाठी प्रेरणास्रोत बनली आहे.