'या' यूझर्ससाठी सरकारचा अलर्ट! हॅकिंगचा मोठा धोका, असं राहू शकता सेफ

CERT-In च्या रिपोर्टनुसार, Microsoft प्रोडक्ट्समध्ये अनेक सुरक्षा त्रुटी आढळल्या आहेत. या त्रुटींचा फायदा घेऊन हॅकर्स तुमची सिस्टम हॅक करू शकतात. अलर्टमध्ये असे म्हटले आहे की या त्रुटीमुळे, हॅकर्स यूझर्सच्या डिव्हाइसेसवर नियंत्रण ठेवू शकतात, संवेदनशील माहिती चोरू शकतात, रिमोट कोड एक्झिक्युशन हल्ले करू शकतात, सुरक्षा बायपास करून सिस्टम सेटिंग्ज बदलू शकतात आणि डिनायल ऑफ सर्व्हिस(DoS) अटॅक देखील करू शकतात.

सोप्या भाषेत सांगायचे तर, जर हॅकर्स या त्रुटींचा फायदा घेतात तर ते तुमच्या पीसीचे नुकसान करू शकतात, डेटा चोरू शकतात आणि सिस्टम क्रॅश देखील करू शकतात.

तुम्ही पर्सनल लॅपटॉप चालवत असाल किंवा मोठ्या कंपनीचा लॅपटॉप, जर तुम्ही मायक्रोसॉफ्टची सिस्टम किंवा अ‍ॅप वापरत असाल तर तुम्ही या धोक्यात आहात.

Windows अपडेट करा: सेटिंग्जमध्ये जा, Update & Securityवर क्लिक करा आणि लेटेस्ट अपडेट इन्स्टॉल करा. ऑटो अपडेट चालू करा जेणेकरून प्रत्येक नवीन पॅच आपोआप इन्स्टॉल होईल. अपडेटनंतर सिस्टम रीस्टार्ट करा.

तुम्ही Microsoft Office किंवा Azure सारख्या सेवा वापरत असाल तर त्यांचे अपडेट्स देखील तपासा. तुम्ही अपडेट केले नाही तर हॅकर्स तुमची सिस्टम हॅक करू शकतात आणि तुमचा डेटा चोरू शकतात.