कॉपी–पेस्ट म्हणजे फक्त Ctrl+C आणि Ctrl+V नाही, 99% लोकांना माहितच नाही योग्य वापर

कंप्यूटर किंवा लॅपटॉपवर काहीही कॉपी करण्यासाठी आपण सहसा Ctrl+C वापरतो आणि पेस्ट करण्यासाठी Ctrl+V. यात चुकीचं काही नसतं, पण एक महत्त्वाचं पाऊल लोक टाळतात. समजा तुम्हाला शेवटचं कॉपी केलेलं नव्हे तर त्याआधीचं काही कॉपी केलेलं पेस्ट करायचं असेल तर? अशावेळी लोक ते पुन्हा शोधून कॉपी करतात आणि मग पेस्ट करतात.

तुम्ही मोबाइलमध्ये क्लिपबोर्ड (Clipboard) हा फीचर पाहिला असेल? इथे तुम्हाला आधी कॉपी केलेली गोष्ट ही दिसते. हाच फीचर आता संगणकातही उपलब्ध आहे. तुम्ही जे काही कॉपी करता ते सगळं या क्लिपबोर्डमध्ये साठवलं जातं. फक्त Win+V दाबलं की तुमच्यासमोर क्लिपबोर्ड उघडेल. त्यात तुम्ही कॉपी केलेलं सगळं कंटेंट दिसेल आणि हव्या त्या ठिकाणी पेस्टही करू शकाल.

जर तुम्ही पहिल्यांदाच हा शॉर्टकट वापरत असाल, तर तो आधी सक्रिय (activate) करावा लागतो. त्यासाठी एकदा Win+V दाबा, त्यानंतर तुम्हाला फीचर सुरू करण्याचा पर्याय दिसेल. एकदा ऑन केल्यानंतर तुम्ही सहजपणे याचा वापर करू शकता.