BSNL यूझर्सला इशारा! या बनावट वेबसाइटवर चुकूनही करु नका क्लिक

मुंबई : सरकारी मालकीच्या दूरसंचार ऑपरेटर भारत संचार निगम लिमिटेड (BSNL) ने कंपनीशी संलग्न असल्याचा खोटा दावा करणाऱ्या फसव्या वेबसाइटबद्दल सार्वजनिक सूचना जारी केली आहे. बीएसएनएलने स्पष्ट केले की, वेबसाइट बनावट आहे आणि यूझर्सने ऑनलाइन संवाद साधताना सावधगिरी बाळगण्याचे आवाहन केले. यूझर्सने बनावट लिंकवर क्लिक करणे टाळावे आणि कोणतेही पर्सनल माहिती किंवा आर्थिक तपशील शेअर करण्यापूर्वी नेहमी वेबसाइट्सची सत्यता पडताळून पाहण्याचा सल्ला दिला जातो. काही दिवसांपूर्वी बीएसएनएलने त्यांच्या काही प्लॅनची ​​व्हॅलिडिटी 425 दिवसांपर्यंत वाढवण्याची घोषणा केली होती. भारतातील इतर कोणतीही दूरसंचार कंपनी असे प्लॅन ऑफर करत नाही जी 425 दिवसांची दीर्घ व्हॅलिडिटी देते.