हॅकर्सने शोधली नवी ट्रिक! आता AIच्या मदतीने करताय फसवणूक, असा करा बचाव
- Published by:Mohini Vaishnav
Last Updated:
Googleने इशारा दिला आहे की, फसवणूक करणारे आता ऑनलाइन नोकरी, बनावट अ‍ॅप्स आणि VPN घोटाळे चालवण्यासाठी एआय टूल्सचा वापर करत आहेत. त्यांना कसे ओळखायचे आणि स्वतःचे संरक्षण कसे करायचे ते शिका.
मुंबई : AI च्या युगात, सायबर फसवणूकीने एक नवीन रूप धारण केले आहे. फसवणूक करणारे आता बनावट ईमेल किंवा कॉल्सपुरते मर्यादित राहिलेले नाहीत. ते आर्टिफिशियल इंटेलिजेंस (एआय) वापरून लोकांना फसवण्यात अधिक पटाईत झाले आहेत. गुगलच्या लेटेस्ट रिपोर्टनुसार, 2025 च्या ग्लोबल अँटी-स्कॅम अलायन्स 'स्टेट ऑफ स्कॅम्स' सर्वेक्षणात असे दिसून आले आहे की गेल्या वर्षी 57% लोक कोणत्या ना कोणत्या प्रकारच्या ऑनलाइन फसवणुकीला बळी पडले आहेत. गुगलने इशारा दिला आहे की फसवणूक करणारे आता एआय टूल्सचा गैरवापर करत आहेत आणि त्यांच्यापासून स्वतःचे संरक्षण करण्यासाठी सतर्क राहणे अत्यंत महत्त्वाचे आहे.
फसवणूक करणारे AI कसे वापरत आहेत आणि सुरक्षित कसे राहायचे
ऑनलाइन जॉब स्कॅम - आजकाल अनेक फसवणूक बनावट नोकरीच्या जाहिरातींपासून सुरू होतात. फसवणूक करणारे खऱ्या कंपन्यांच्या नावाखाली बनावट करिअर वेबसाइट आणि सोशल मीडिया जॉब पोस्ट तयार करतात. त्यानंतर ते 'रजिस्ट्रेशन' किंवा 'इंटरव्ह्यू प्रोसेसिंग' फीसच्या नावाखाली पैसे मागतात आणि आधार, पॅन किंवा बँक डिटेल्ससारखी पर्सनल माहिती मिळवतात.
advertisement
Googleचा सल्ला:
जीमेल आणि गुगल मेसेजेसमधील Scam Detection फीचर अशा ईमेल आणि मेसेजेसना आपोआप ओळखते. याव्यतिरिक्त, तुमच्या स्वतःच्या सुरक्षिततेसाठी Two-Step Verification चालू करा.
फेक रिव्ह्यू आणि एक्सटॉर्शन स्कॅम - स्कॅमर अनेकदा जाणूनबुजून एक-स्टार रिव्ह्यू पोस्ट करून बिझनेसच्या गुगल प्रोफाइल कमी करतात. नंतर मालकाकडून पैसे मागतात, जर त्यांनी पैसे दिले तर रिव्ह्यू काढून टाकण्याचे आश्वासन देतात.
advertisement
Google Maps आता अशा एक्सटॉर्शन रिपोर्ट करण्याचा थेट ऑप्शन देते. गुगल सल्ला देते की, स्कॅमर्सशी संपर्क करु नका, कोणतेही पेमेंट करु नका, कोणतेही ट्रांझेक्शन करु नका, तसंच स्क्रीनशॉर्ट घेऊन रिपोर्ट करण्याचा सल्ला देते.
फेक AI अ‍ॅप्स -
advertisement
स्कॅमर एआयच्या वाढत्या लोकप्रियतेचा फायदा घेत आहेत. ते ChatGPT किंवा Gemini सारख्या साधनांचे वेश असलेले बनावट अ‍ॅप्स तयार करतात, जे प्रत्यक्षात तुमच्या फोनमधून डेटा चोरतात किंवा मालवेअर इंस्टॉल करतात.
Googleचा सल्ला:
केवळ अधिकृत अ‍ॅप स्टोअरमधून अ‍ॅप्स डाउनलोड करा आणि URL कडे लक्ष द्या. क्रोममधील Enhanced Safe ब्राउझिंग फीचर तुम्हाला रिअल-टाइममध्ये धोकादायक लिंक्सची चेतावणी देते.
advertisement
फ्री VPN अ‍ॅप्समधून होणारी फसवणूक
फ्री VPN देण्याच्या आमिषाने अनेक लोक स्कॅमर्सना बळी पडतात. हे बनावट VPN अ‍ॅप्स तुमचे ब्राउझिंग डिटेल्स आणि बँक माहिती चोरू शकतात.
गुगलचा सल्ला:
तुमच्या फोनवर Play Protect ठेवा, जे आपोआप अ‍ॅप्स स्कॅन करते. तसेच, फक्त व्हेरिफाइड सोर्सकडून किंवा VPN बॅज असलेल्या अ‍ॅप्सवरून VPN अ‍ॅप्स डाउनलोड करा.
advertisement
AIच्या वाढत्या वापरामुळे, सायबर गुन्हेगार हुशार झाले आहेत. परंतु गुगलच्या टूल्स आणि थोडी सतर्कतेमुळे, तुम्ही तुमचा डेटा आणि पैसे सुरक्षित ठेवू शकता.
Location :
Mumbai,Maharashtra
First Published :
November 12, 2025 5:27 PM IST
