Google आता तुमच्या फोनवर ठेवणार नजर! Chrome सह Geminiमध्ये मोठा बदल

गुगलने जाहीर केले आहे की, जेमिनी आता क्रोममध्ये एकत्रित केली जात आहे. ज्याला कंपनीने आतापर्यंतचे सर्वात मोठे अपग्रेड म्हटले आहे. तसंच, सर्फशार्कच्या रिपोर्टनुसार, हे अपडेट यूझर्सच्या गोपनीयतेसाठी सर्वात मोठा धोका निर्माण करते. संशोधनानुसार, क्रोम आणि जेमिनी एकत्रितपणे थेट 24 प्रकारचा डेटा गोळा करतात, जो इतर कोणत्याही एआय ब्राउझरपेक्षा जास्त आहे.

Microsoft Edge आणि Copilot एकत्रितपणे फक्त अर्धा डेटा ट्रॅक करतात. तर Perplexity, Opera आणि ब्रेव्ह सारखे ब्राउझर खूपच कमी माहिती गोळा करतात. Surfshark इशारा देतो की यूझर्सने हे समजून घेतले पाहिजे की जेमिनी क्रोममध्ये जोडल्यानंतर त्यांची किती माहिती धोक्यात येते.

केवळ क्रोमच नाही तर Edge आणि Firefox सारखे ब्राउझर देखील एआय एक्सटेंशन (जसे की चॅटजीपीटी) देतात. तसंच, ही टूल्स इन्स्टॉल केल्याने तुमची पर्सनल माहिती थर्ड-पार्टी कंपन्यांना उघड होऊ शकते. अधिकृत स्टोअरमधून डाउनलोड केलेले एक्सटेंशन देखील डेटा चोरीत अडकले आहेत.

गुगल म्हणते की "क्रोममधील जेमिनी फक्त तेव्हाच अ‍ॅक्टिव्ह होते जेव्हा तुम्ही ते स्वतः वापरता." परंतु वास्तव असे आहे की, तुम्ही ते वापरताच तुमची माहिती कंपनीकडे ट्रान्सफर केली जाते. रिपोर्टमध्ये असेही उघड झाले आहे की गुगल त्यांचे लोकप्रिय इमेज एडिटिंग टूल, नॅनो बनाना, गुगल फोटोजमध्ये आणू शकते. सायबरसुरक्षा तज्ञ म्हणतात की प्रत्येक अपलोड केलेल्या फोटोमध्ये तुमच्या चेहऱ्याची बायोमेट्रिक माहिती, जीपीएस स्थान, डिव्हाइस तपशील आणि सोशल नेटवर्क पॅटर्न यासारखी अत्यंत संवेदनशील माहिती असते.

दुसरीकडे, अ‍ॅपलने iOS 26 मध्ये Safari ब्राउझरमध्ये डीफॉल्टनुसार अँटी-फिंगरप्रिंटिंग तंत्रज्ञान लागू केले आहे. मात्र, तुम्ही आयफोनवर क्रोम वापरत असाल तर तुम्हाला हे संरक्षण मिळणार नाही. म्हणून, अ‍ॅपलने यूझर्सना क्रोम टाळण्याचा आणि सफारी निवडण्याचा सल्ला दिला आहे.

सायबर तज्ञ म्हणतात की जेमिनी आणि नॅनो बनाना सारखी “फ्री टूल्स” प्रत्यक्षात मोफत नाहीत. त्यांचे बिजनेस मॉडेल असे आहे की तुमची माहिती प्रत्यक्ष उत्पादन बनते. याचा अर्थ असा की तुम्ही ही साधने जितकी जास्त वापराल तितका तुमचा डेटा कंपनी आणि इतर प्लॅटफॉर्मवर जाईल.