Tech News: फ्रीमध्ये चकाचक होईल वॉशिंग मशीन, फक्त फॉलो करा ही ट्रिक; कपड्यांचा येईल जबरदस्त सुगंध

मुंबई : वॉशिंग मशीन घरातील मोठी गरज असते. कपडे स्वच्छ निघावेत यासाठी वॉशिंग मशीनची देखरेख योग्य वेळी करणं गरजेचं असतं. विचार करा की, वॉशिंग मशीन खराब झाली तर सर्व कपडे तुम्हाला हाताने धुवावे लागतील. जे खूप मेहनतीचं काम असतं. तुम्ही वॉशिंग मशीनची स्वच्छता केली नाही तर ज्या बॉक्समध्ये डिटर्जेंट टाकलं जातं, तिथे काही दिवसांनी साबण आणि सॉफ्टनर जमा होतो आणि आपण हे पाहूही शकत नाही. याशिवाय, कपडे सतत धुणे आणि ओले राहणे यामुळे, वॉशरच्या झाकणाच्या आत देखील बुरशी तयार होऊ शकते. त्यामुळे वॉशिंग मशीनचे ड्रम वेळोवेळी स्वच्छ करत राहणे गरजेचे आहे.