सावधान! Firefox यूझर्सवर घोंघावतंय सायबर अटॅकचं संकट, लगेच करा हे काम 

सरकारी सायबरसुरक्षा एजन्सी CERT-In ने जानेवारी 2026 च्या सुरक्षा बुलेटिनमध्ये Mozilla Firefox आणि Thunderbird शी संबंधित अनेक त्रुटी उघड केल्या आहेत. एजन्सीनुसार, या त्रुटी उच्च-तीव्रतेच्या श्रेणीत येतात. जर त्यांचा गैरवापर केला गेला तर रिमोट हल्लेखोर यूझर्सच्या सिस्टमवर हल्ला करू शकतात. गेल्या काही आठवड्यात Android आणि Apple यूझर्सना अशाच प्रकारच्या सूचना मिळाल्या आहेत. आता, ब्राउझर यूझर्ससाठी ही नवीन चेतावणी जारी करण्यात आली आहे. याचा परिणाम लाखो यूझर्सवर होऊ शकतो.

रिपोर्टनुसार, फायरफॉक्सच्या अँटी-ट्रॅकिंग घटकांमध्ये, लेआउट स्क्रोलिंगमध्ये आणि ओव्हरफ्लोमध्ये तांत्रिक त्रुटी आढळून आल्या आहेत. थंडरबर्डला अंशतः एन्क्रिप्टेड ईमेल कंटेंटमधून डेटा काढण्यासाठी असुरक्षित म्हणून ओळखले गेले आहे. एखादा हल्लेखोर यूझर्सला विशिष्ट लिंक किंवा वेब रिक्वेस्ट उघडण्यास फसवू शकतो. एकदा यूझर्सने ती लिंक उघडली की, सिस्टममधून संवेदनशील माहिती काढता येते. यामध्ये पासवर्ड, पर्सनल डेटा आणि ब्राउझिंग माहिती समाविष्ट असू शकते. काही प्रकरणांमध्ये, सिस्टम क्रॅश देखील होऊ शकते.

CERT-In आणि Mozilla नुसार Firefox चा 147.0.2 हून जुना व्हर्जन वापर करणारे यूझर्स धोक्यात आहेत. अशाच प्रकारे Thunderbird चे 140.7.1 आणि 147.0.1 पेक्षा जुने व्हर्जनही असुरक्षित मानले गेले आहेत.

जे यूझर्स दीर्घ काळापासून ब्राउझर अपडेट करत नाहीयेत. त्यांना सर्वात आधीक पाउल उचलण्याची गरज आहे. जुन्या व्हर्जनमध्ये उपलब्ध त्रुटींवर आता कलेल्याची शक्यता जास्त नाही. Mozilla ने या समस्या ठीक करण्यासाठी नवीन सिक्योरिटी पॅच जारी केला आहे. लेटेस्ट व्हर्जनमध्ये हा धोका अनेक पटींनी कमी होतो.

सुरक्षित राहण्यासाठी, तुम्ही ताबडतोब Firefox आणि Thunderbird नवीनतम व्हर्डजवर अपडेट करावे. मोबाइल यूझर्स प्ले स्टोअर किंवा अॅप स्टोअरवरून अपडेट करू शकतात. कम्प्यूटर यूझर त्यांच्या ब्राउझर सेटिंग्जमध्ये फायरफॉक्सबद्दल सेक्शनमध्ये जाऊन लेटेस्ट अपडेट इंस्टॉल करू शकतात. CERT-In अज्ञात स्त्रोतांकडून पाठवलेल्या लिंक्सवर क्लिक करण्याविरुद्ध देखील सल्ला देते. थर्ड-पार्टी सोर्सकडून अॅप्स किंवा एक्सटेंशन इंस्टॉल करणे टाळा. थोडी सावधगिरी बाळगल्यास मोठे सायबर धोके टाळता येऊ शकतात.