iPhone 17 Proचा Cosmic Orange रंग होतोय पिंक, पण कलर का बदलतोय?

Tom's Guide मधील रिपोर्ट्सनुसार, iPhone 17 Pro सीरीजमध्ये anodised aluminium  फिनिश वापरण्यात आला आहे. जो मागील टायटॅनियम-निर्मित प्रो मॉडेल्सपेक्षा वेगळा आहे. ही नवीन फिनिश चमकदार आणि यूनिक रंग तयार करण्यास मदत करते, परंतु त्यात एक कमतरता देखील आहे. ही धातू अधिक छिद्रयुक्त आहे. याचा अर्थ असा की उत्पादनादरम्यान रंगाचा थर अंतर्गत लागू केला जातो, परंतु कालांतराने, तो बाह्य रसायनांसह रिअॅक्ट करु शकतो.

एका रिपोर्टमध्ये असे म्हटले आहे की, कॉस्मेटिक उत्पादने, क्लिनिंग स्प्रे किंवा डिसइंफेक्टेंट्समध्ये आढळणारे हायड्रोजन पेरोक्साइड सारखे रसायने anodised aluminiumचा रंग फिकट करू शकतात किंवा बदलू शकतात.

असे मानले जाते की, या प्रोडक्टच्या संपर्कात आल्यामुळे काही iPhone 17 Pro डिव्हाइसेसचा नारंगी रंग गुलाबी होत आहे.

अ‍ॅपलने आधीच त्यांच्या सपोर्ट वेबसाइटवर यूझर्सना ब्लीच किंवा हायड्रोजन पेरोक्साइड असलेल्या कोणत्याही प्रोडक्टने त्यांचे डिव्हाइस स्वच्छ करू नका असा इशारा दिला आहे.

त्याऐवजी, कंपनी 70% isopropyl alcohol wipesकिंवा 75% ethyl alcohol wipes वापरण्याची शिफारस करते. तसेच, फोनवरील कोणत्याही पोर्ट किंवा ओपनिंगमध्ये ओलावा टाळा आणि कोणत्याही द्रवात बुडवून डिव्हाइस कधीही स्वच्छ करू नका.

अ‍ॅपलने अद्याप या गुलाबी रंगाच्या समस्येचे अधिकृतपणे निराकरण केलेले नाही. तज्ञांचे म्हणणे आहे की जोपर्यंत कंपनी अपडेट जारी करत नाही तोपर्यंत वापरकर्त्यांनी फोनचा रंग आणि फिनिश खराब होऊ नये म्हणून कठोर रसायने, स्किनकेअर उत्पादने किंवा घरगुती क्लीनर टाळावेत.