Iphone : लाँचपूर्वी लिक झाली iPhone 18 Pro Max ची सर्व माहिती; काय आहे खास? 2 धमाकेदार फीचर्सची चर्चा

प्रसिद्ध लीकस्टर 'डिजिटल चॅट स्टेशन' (Digital Chat Station) ने नुकताच एक खुलासा केला आहे की, अ‍ॅपल iPhone 18 Pro आणि Pro Max साठी 'व्हेरिएबल अपर्चर' (Variable Aperture) तंत्रज्ञानावर काम करत आहे.

जर तुम्ही रात्री किंवा कमी प्रकाशात फोटो काढत असाल, तर अपर्चर जास्त उघडेल जेणेकरून जास्तीत जास्त प्रकाश सेन्सरपर्यंत पोहोचेल. याउलट, कडक उन्हात अपर्चर कमी होईल, ज्यामुळे फोटो 'ओव्हरएक्सपोज' होणार नाहीत. यामुळे तुमचे फोटो अधिक स्पष्ट, डिटेल आणि अगदी एखाद्या प्रोफेशनल कॅमेऱ्यासारखे दिसतील.

अ‍ॅपलच्या या हालचालीची चर्चा 2014 पासूनच सुरू होती, पण आता पुरवठादारांकडून (Suppliers) मिळणाऱ्या बातम्यांनुसार, iPhone 18 Pro सिरीजमध्ये हे फीचर येण्यावर शिक्कामोर्तब झाले आहे. सध्याच्या आयफोनमध्ये 'फिक्स्ड अपर्चर' असते, म्हणजेच प्रकाश कितीही असला तरी लेन्सचे तोंड एकाच ठराविक आकारात उघडते. मात्र, आगामी मॉडेलमध्ये युजर्सना प्रकाशावर नियंत्रण मिळवता येईल.

विशेष म्हणजे, सॅमसंगने आपल्या 'गॅलेक्सी S9' आणि 'S10' मध्ये हे तंत्रज्ञान खूप आधी वापरले होते, पण नंतर मोठ्या सेन्सरवर लक्ष केंद्रित करण्यासाठी त्यांनी ते बंद केले. आता पुन्हा एकदा सॅमसंग आपल्या आगामी Galaxy S26 Ultra मध्ये हे फीचर आणण्याची शक्यता आहे. अशातच अ‍ॅपलने ही बाजी मारली, तर प्रीमियम स्मार्टफोन मार्केटमध्ये पुन्हा एकदा अ‍ॅपलचे वर्चस्व निर्माण होईल.

मिळालेल्या माहितीनुसार, iPhone 18 Pro मध्ये दोन मोठे बदल दिसू शकतात:

अ‍ॅपल प्रेमींना या तंत्रज्ञानासाठी थोडी वाट पाहावी लागेल. सप्टेंबर 2026 मध्ये अ‍ॅपल आपली iPhone 18 सिरीज लाँच करण्याची शक्यता आहे. विशेष म्हणजे याच काळात अ‍ॅपलचा पहिला फोल्डेबल आयफोन (iPhone Fold) देखील समोर येऊ शकतो, अशी चर्चा टेक वर्तुळात रंगली आहे.