मार्केटमध्ये सुरुये Work From Home स्कॅम! कोट्यवधींचा लावला चुना, असा करा बचाव

पोलिसांच्या म्हणण्यानुसार, 27 मे रोजी एका तरुणाने तक्रार दाखल केली होती की त्याला वेबसाइटचे रिव्ह्यू करण्याच्या बदल्यात पैसे कमवण्याची ऑफर देण्यात आली होती. सुरुवातीला, त्याला प्रत्येक रिव्ह्यूसाठी 50 रुपये मिळाले. ज्यामुळे त्याला ही योजना खरी वाटली. परंतु नंतर त्याला अधिक कमाईचे आमिष दाखवून प्रीपेड क्रिप्टो व्यवहार करण्यास सांगितले गेले. हळूहळू, फसवणूक करणाऱ्यांनी त्याला अनेक सबबींनी अधिक पैसे जमा करायला लावले आणि एकूण 17.49 लाख रुपयांची फसवणूक केली.

अंकुर मिश्रा (22), क्रथरथ (21), विश्वास शर्मा (32) आणि केतन मिश्रा (18) अशी अटक केलेल्यांची नावे आहेत. पोलिस तपासात तक्रारदाराच्या खात्यातून अंकुर मिश्रा यांच्या नावावर असलेल्या एका खाजगी बँक खात्यात 5 लाख रुपये ट्रान्सफर करण्यात आल्याचे उघड झाले. बँक आणि सीसीटीव्ही फुटेजच्या आधारे त्याची ओळख पटली.

तांत्रिक तपासात असे दिसून आले की, हे फसवणुकीचे जाळे फक्त दिल्लीपुरते मर्यादित नव्हते, तर ते लखनऊ, आग्रा, भोपाळ आणि शिवपुरी सारख्या शहरांमध्ये देखील सक्रिय होते. या सर्व ठिकाणी पोलिसांनी छापे टाकल्यानंतर चारही आरोपींना अटक करण्यात आली.

डीसीपी अमित गोयल यांच्या मते, ही टोळी अनेक बँक खात्यांमधून पैसे हलवत असे जेणेकरून ते शोधता येत नव्हते. अखेर बँका आणि तपास यंत्रणांच्या नजरेतून सुटण्यासाठी ही रक्कम USDT (टिथर) सारख्या क्रिप्टोकरन्सीमध्ये रूपांतरित करण्यात आली. सध्या, पोलिस टोळीतील इतर सदस्यांचा आणि पैशांचे स्थान शोधण्याचा प्रयत्न करत आहेत.